Wokmisin long Bougainville Print
User Rating: / 13
PoorBest 
Written by Jacob Barka   
Thursday, 14 April 2011 02:51

Dispela tok ikam long ripot bilong Rev. Timothy Luke, man igo pas long Misin na Saplim Divisen long Hetkota long Ampo. Em ibin igo long Bougainville long painim aut hamas Luteran manmeri pikinini istap yet long Bougainville, bihain long hevi ipinis na tu inap long kirapim Lotu Luteran gen o nogat.

Rev. Timothy Luke ibin go nambawan taim long 1989 na nambatu taim long 1991 olsem Defens Fos saplin long taim bilong hevi na em luksave long ples ol lain bilong yumi Luteran istap.  Long 1998 em wantaim late Bishop Dr. W. Kigasung igo holim wanpela  “REKONSILIESIN SEMINAR” long Arawa we ol bungim ol man meri bilong olgeta lotu na toktok long kamapim wanbel gen.

Long wakabaut bilong Rev. Timothy Luke, em ibin bung wantaim na toktok wantaim ol het bilong sios long Bougainville. Bishop Rev. Timhata na ol officials i tok olsem ol i hamamas tru olsem yumi Luteran no lusim ting long ol na dispela visit bilong Rev. Luke i bikpela samting tru long ol. Em hamamas olsem yumi Luteran igat interest yet long wok sios long Bougainville.  Rev. Luke i tokim Bishop Timhata olsem em i kam kisim pes bilong ELC-PNG na tu olsem Mission Desk wokman long visit wankain olsem em save mekim wantaim arapela hap bilong PNG.  Em kam long luksave na tu long yumi ken wanbel wantaim long strongim wok sios insait long Bougainville.

 

Bihain long bung wantaim Bishop Timhata bilong lotu United Sios, Rev. Luke i go sindaun wantaim Bishop Bernard bilong lotu Katolik na tupela toktok liklik. Rev. Luke i bekim wankain tok olsem em bin mekim wantaim United Sios Officials.   Long toktok bilong em wantaim Bishop Bernard igat wantpela tok, em bin salim pas pinis long olgeta het bilong ol sios, em long graun istap long Arawa.   Bishop Bernard igat tingting long sapos ol het bilong sios i wanbel bai ol katolik ken wokim wanpela haus lotu long graun istap long Arawa.  Tupela rekomendesen Rev. Luke ibin mekim long ripot bilong em i olsem; Ol het bilong ol sios ken tingim pas bilong Katolik Bishop Bernard, na kamapim wanpela tok long graun long Arawa.
Na tu, inap ol het bilong sios ken bung wantaim na mekim toktok long wanem rot long helpim wok bilong Rehabilitation long Bougainville.

Comments (0)
Last Updated on Thursday, 14 April 2011 06:01