Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Job 22-24  
View Full Reading Plan

Live Chat

No users online

TOKTOK I KAMAP LONG NOVEMBA 2010 SIOS KAUNSL MITING PDF Print E-mail
User Rating: / 16
PoorBest 
Written by Jacob Barka   
Monday, 24 January 2011 06:54

Sampela bilong ol bikpela toktok ol Sios Kaunsol ibin toktok long Novemba 2010 miting bilong ol.

Toktok bilong Lutheran University of PNG (LUPNG)

Lutheran University Working Committee Report, November 2010

Novemba 2010 Sios Kaunsol mitingLong 2015 nambawan enrolment blong ol sumatin bai kamap. Long June SIos Kaunsol, Kaunsol ibin makim nupela woking Komiti na givim ol 10-pela TOR long wok long en. Na long dispela Novemba Sios Kaunsol, dispela nupela Komiti i presentim consep pepa [As Tingting] na wok ripot long kaunsol na kaunsol i strongim olgeta rekomendesen istap long ripot na kisim dispela konsep pepa pinis na givim wok igo bek long komiti long mekim wok antap long en.

Het Bisop bilong sios Rev. Giegere Wenge i givim tupela pas long tupela komiti wantaim long ol imas kam bung wantaim na wok wantaim long kamapim LUPNG long gutpela bilong sios olgeta. Lusim pasin resis na biahinim het tok bilong sios na wakabaut wantaim long kamapim dispela bikpela institusen bilong sios bilong yumi.

Olpela komiti i mekim pinis planti gutpela wok na i redi long stat long 2012. Tasol Profesa Dr. Eric Kwa I tok olsem dispela Kaunsol yet ibin raitim wanpela pas na salim igo long Gavaman long stopim olpela LUPNG Act [2006 Act] na nau dispela 2006 LUPNG Act istap tasol na inogat wanpela man i wok long en yet (not in effect as yet). Olsem na em bai ino inap givim hevi long dispela nupela Traim Lo (Bill) bilong LUPNG tai mol i presentim long Gavaman.

Nupela komiti i wanbel na tok tenk yu long olpela komiti i mekim pinis gutpela wok na igat taim wea ol bai i askim olpela komiti long kam wok wantaim ol long wanem resolusen blong synod na disisen blong sios kaunsol i givim ol nupela komiti pawa long igo pas. Olsem na olpela komiti imas kam wok wantaim nupela komiti.

 

LUWC i kamapim pinis senis long LUPNG Act, As Tingting blong Univesiti, na Taimlain long wanem taim stret bai univesiti ikamap na komiti bringim ikam long Kaunsol long luksave, kisim na strongim.
Igat nupela senis ikamap pinis long 2006 LUPNG Act na i redi pinis long Sios Kaunsol long tok yesa na bai LUWC iken bringim igo long gavaman.

SAMPELA TOKTOK LONG DIPATMENT RIPOT

Wokman Treining Dipatment

Longpela taim tru opis bilong skruim save aninit long Wokman Trening ibin inogat wokman na nau Kaunsol i luksave na strongim pinis nem bilong wanpela man husat iken istap na wok olsem kodineta bilong skruim save.

Kaunsol i luk save long gutpela wok late Rev. Baka Enareki i mekim na sevis em i givim long Sios. Kaunsol i tok bikpela tenkyu long God na i laik givim tok sori bilong en long ol family bilong late Rev. Baka Enarekic.

Kaunsol i wanbel na strongim ol nem list bilong ol tisa long ol iken go het na kisim wok na mekim wok long yia i kam Wok igo bek long Dipatmen long wok wantaim ol institusen long kamapim ol self-sapot projek na ripot bek long kaunsol long next kaunsol bung.

Gutnius Dipatment

Nau yet ol distrik ino redi long wakabaut wantaim insait long dispela nupela wakabaut. Kapasiti bilding long distrik level ino kamap yet olsem na tingting bilong katim daun ol program igo daun long distrik level na nesinol opis bai istap olsem kodineting na monitaring opis tasol, dispela plen bai igat hevi yet. Olsem na igat nid long holim semina [woksop] long wok wantaim olgeta distrik long mekim dispela plen [Visen 2020 Implementesen Strategy] ikamap long mak.
Wok bilong dipatmen na planti ol program bilong dipatmen ino kamap gut long dispela yia long 3-pela as tingting:
1.    Senis ikamap long konstitusen i slowim daun wok
2.    ELCPNG Fainens Opis ino gat moni long sapotim wok
3.    Helpim Moni blong CPP ikam leit
Bihainim nupela senis istap long tingting driman bilong sios (Visen 2020) tupela dipatmen bilong ministry nau i kamap wanpela pinis – Gutnius Sevis Dipatmen. Dispela nupela dipatmen bai igat 3-pela divisen:
1.    Gutnius Trening Divisen – bai kamapim na redim na strongim wokmanmeri long mekim gut wok bilong autim gutnius. Dispela divisen bai lukautim wok bilong strongim wokman na sapotim em long kisim moa save bilong mekim gut wok i bihainim stendad bilong nau senis [infomesen na technology] i wok long kamap na afektim ol pipol long ol ples na long ol taun thru long ol trening program.
2.    Gutnius Wokman [HR] Divisen bai lukautim welfea bilong dispela ol wokmanmeri Gutnius Trening i kamapim. Wokmanmeri [Human Resource] bilong dispela sios em ol husat? Ating sios ino luksave tru tru long husat em i HR bilong en? Ol wokmanmeri bilong sios edministresen tasol o olsem wanem? Dispela divisen em nupela kain tinting ikamap bilong luksave na menetsim HR bilong dispela sios. Sios i mas ridifainim na luksave gut gen long husat em HR tru tru bilong en, long wanem, sapos sios i menetsim gut HR bilong en bai sios i mekim gutpela wok na bringim gutpela sevis long ol Kristen bilip manmeri insait long dispela sios na inapim tru tingting driman bilong wakabaut [Vision] bilong en.
3.    Gutnius Progrem – bai kamapim ol program na givim wok long wokmanmeri. Wok bilong dispela divisen em program design na kamapim ol implementesen strategies na wok evaluesen [review] na wok report. Mekim rekomendesen long ron bilong ol Gutnius Progrems long rausim or strongim or kamapim nupela.

Lutheran Development Sevis

Wok bilong kamapim nupela senis insait long wok bilong LDS dipatmen igat 3-pela phase long bihainim:
Phase 1 – Management Structure
Phase 2 – Leadership & Governance
Phase 3 – Partner Linkage (wok wantaim patna na ol ELC-Distriks)
Wok bilong LDS ino save igo long olgeta 17-pela distrik bilong sios long wanem ol distrik yet imas mekim graun wok pastaim bai wokmanmeri bilong LDS iken kam sindaun gut na wok namel long ol manmeri.
Olgeta wok odit istap klin olsem na ol dona igat konfidens long wok bilong LDS na kontinu long givim sapot yet.
Wok redi bilong bugnim taim nogut (draut) imas kamap long olgeta han lek bilong Sios long helpim ol pipel bilong en.
LDS save mekim wok we igat nid na singaut tasol. Em ino kavarim olgeta 17-pela distrik bilong sios.
Wanwan distrik imas mekim sampela graun wok na redim em yet na singaut long LDS iken kam na mekim wok bilong en.

CPP Ripot

Brif ripot bilong Opis bilong Disasta Pripetnes Unit bilong Sios ananit long opis bilong CPP i soim olsem graun wok bilong kamapim dispela opis ikamap pinis na nau yumi i weit long Gavaman i givim bekim na sapot long sios iken wakabaut wantaim long helpim ol pipel long dispela kantri long taim bilong disasta. Wok bilong CPP nau istap long han bilong ol nesinol yet na ol fanding bai igat 3-pela yia tem.

Edukesen Dipatment

Kaunsol i kisim toksave olsem wanpela wokman bilong Luteran Sios long Australia husat ibin wok wantaim ELC edukesen dipatment (Dr. Adrian Jericho) i lusim laip na i slowim sampela wok. Sios i laik tok tenk yu long Lutheran Church Australia long dispela gutpela wokman na luksave long gutpela wok em i mekim insait sios olgeta. Kaunsol i extendim kondolens tok igo long ol family blong en.

Ol pipel yet tekim inisitif long statim ol skul na edukesen dipatment bilong sios igat wok o nid long sapotim long kain skul iken igat gutpela luksave na nem long gavaman na sios.
Kaunsol i strongim nem bilong wanpela man long istap olsem distrik edukesen sekreteri bilong simbu distrik pinis.

Edukesen Sekreteri Mr. Paul Omot i soim tu wanpela nem long kaunsol long strongim bai em iken kamap olsem nupela distrik edukesen sekreteri bilong Not Morobe.

Lutheran Health Service

Kaunsol kisim na strongim  strategic plan na operesnol plen blong Helt Dipatmen. Kaunsol i strongim tu wanpela wokman ikam long ovasis long ikam wok long Teptep.

RIPOT BILONG TRESERA

Gutpela ripot ikam long Opis bilong Tresera. Insait long ripot bilong em, em i presentim baset bilong 2011 na Kaunsol i strongim dispela baset istap olsem K16,298,009.00.
Nau igat tok bilong nupela wokman imas kisim ples bilong nau ekting tresera Mr. Lother Stock, long wanem, mama sios bilong em ino laikim em mekim dispela wok tresera.

Fainens Dipatmen Ripot

Insait long ripot bilong Fainens sekreteri em i soim olsem ELCPNG Baset ino kamap long mak long dispela yia, 2010. Yumi sot long moa long K2milien. Olsem na nau yumi  i wok long filim hevi bilong dispela.

SINOT 2012

 

<!-- /* Style Definitions */ p.MsoNormal, li.MsoNormal, div.MsoNormal {mso-style-parent:""; margin:0in; margin-bottom:.0001pt; mso-pagination:widow-orphan; font-size:12.0pt; font-family:"Times New Roman"; mso-fareast-font-family:"Times New Roman"; mso-ansi-language:EN-AU; mso-fareast-language:EN-AU;} @page Section1 {size:8.5in 11.0in; margin:1.0in 1.25in 1.0in 1.25in; mso-header-margin:.5in; mso-footer-margin:.5in; mso-paper-source:0;} div.Section1 {page:Section1;} -->

Siaman bilong Synod Oganaising Komiti i givim preliminary ripot bilong ol. Ol komiti i nid long luksave long deit tru synod bai o liken go het na pinisim wok plen bilong ol. Long next Kaunsol bung bai ol I kam presentim progress ripot

 

Comments (0)
Last Updated on Monday, 24 January 2011 07:16
 

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2020 Evangelical Lutheran Church of Papua New Guinea. All Rights Reserved.
               Powered By: Joomla!