Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Job 22-24  
View Full Reading Plan

Live Chat

No users online

Basil: Sios i lusim rot na mak bilong poretim God PDF Print E-mail
User Rating: / 0
PoorBest 
Written by Warime Guti   
Wednesday, 14 January 2009 00:00

Pasin politiks na pasin korapsen insait long gavman tu i wok long kamap strong insait long sios bilong God, yangpela lida na memba bilong Wau-Bulolo Sam Basil i mekim dispela tok long kamapim ples klia as tingting bilong wanem na em, olsem memba bilong Palimen i kam olsem deleget bilong Mumeng distrik long namba 27 Sinot bilong Luteran sios. Em i tok, “mi man bilong toktok stret olsem na mi mas tok stret olsem as tingting why mi lusim taitol bilong mi olsem memba bilong Palimen na kam olsem deleget em bikos long ol hevi we i wok long kamap insait long Luteran sios na sapos igat wanpela hap bilong toktok na stretim dispela ol hevi, mi bilip olsem Sinot em i ples bilong toktok olsem na mi kam olsem deleget long toktok long hevi bilong pipol.” Bihainim dispela nek blong tok, Memba i mekim wanpela strongpela tok tu olsem insait long sios tude ol lidas igo pas long wok ron bilong sios i nogat poret bilong God na bel long ol pipol. Em i tok, “bipo, ol wokman bilong God save karim holiness bilong God na yu i ken pilim poret bilong God ples klia tru tasol nau dispela i nogat stret long yumi: em olsem wanem?” Narapela bikpela hap bilong tok Mr. Basil i mekim em long hevi ol pasto wokman na wokmeri i wok long bungim i nogat luksave antap long ol lidas long givim sapot long dispela. Em i givim wanpela askim olsem,“ oltaim taim ol lidas igo insait long Paliamen o gavman opis, hariap tru ol i gat bikpela moni na kago samting na olsem wanem long ol pasto, wokman/meri na ol pipol stap long ol ples.” Long pinisim tok, Mr. Basil i mekim strongpela tok long sios long luksave long wok bilong ol pasta husait wok ministri long asples na ples bus. Em i tok ol voting deliget i mas vot long ol lida husait i bai luksave long dispela hevi na stretim na tu lida we bai tok strong agensim ol pasin karange we i wok long kamap bikpela insait long kantri na sios olsem pasin korapsen.

Comments (0)
 

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2020 Evangelical Lutheran Church of Papua New Guinea. All Rights Reserved.
               Powered By: Joomla!