Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Job 22-24  
View Full Reading Plan

Live Chat

No users online

Ol lidas i mas igat pasin bilong lukautim ol samting wantaim daun pasin: Sir Amet i tok. PDF Print E-mail
User Rating: / 28
PoorBest 
Written by Warime Guti   
Wednesday, 14 January 2009 00:00

Aste long Tunde pastaim long namba wan ridim bilong nupela konstitusen bilong ELC-PNG, namba 2 siaman bilong sinot Profesa Eric Kwa i givim taim long ol wanwan lidas na biklain saveman bilong sios insait long gavman iken givim sampela ol stia tok long floa bilong sinot long ol pipol gen wakabaut wantaim insait long wok bilong makim nupela lidas. Sir Arnold Amet, gavana bilong Madang toktok long rol (wok) bilong sios long divelopmen bilong kantri na pasin bilong stretpela lida. Em i tok ansa bilong ol hevi kantri bilong yum i wok long bungim em gavaman bai ino inap long stretim, ansa bilong dispela ol hevi i stap long ol sios bilong God insait long kantri. Em i tok olsem ol sios insait long ples igat bikpela wok long autim gutnius bilong Kraist long ol manmeri na senisim laip. Em i tok taim laip bilong man em i senis orait kantri tu bai i senis.. Em i tokim lidas bilong long sios long soim lakim bilong Kraist long ol manmeri gat sik HIV/AIDS, ol pamuk manmeri na ol raskol. “Sios mas wokbung wantaim gavman na senisim ol lida tu, gavana i tok.” Em i tok strong olsem ol manmeri noken usim pulpit olsem ples bilong tok politiks. Sir Amet i mekim tok tu long ol lida olsem ol i mas lidim ol manmeri wantaim stretpela pasin na tok tru. “Em (lida) i mas lida igat bel na poret bilong God na save sevim ol manmeri.” Em i kisim piksa tok bilong Moses long buk Baibel. Em i tok Moses i bin harim tok bilong God na tromoi stik bilong em long graun. “Dispela stik Moses save usim long lukautim sipsip. Dispela stik i makim posisen or atoriti bilong Moses, save bilong Moses na inkam (laip) bilong Moses. Tasol taim God i tok tromoi long graun, emi harim tok na tromoi igo daun. Wankain olsem tasol, ol lida mas holim pas pasin bilong daunim ol yet, posisen na moni na bihainim tok bilong God na lidim manmeri bilong God.” Bihainim dispela tingting, Memba bilong Nawaeb, Timothy Bonga i strongim tok bilong gavana bilong Madang.

Comments (0)
 

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2020 Evangelical Lutheran Church of Papua New Guinea. All Rights Reserved.
               Powered By: Joomla!